لاتلومني لاجيت كلي مـن اقصـاي
مافيـه غيـرك لاتضايقـت جيتـه
جيتك ولاغيرك ذكرتـه بمسـراي
جيتك وكل انسان غيـرك نسيتـه
جيتك وانا ماني بأنا تايـه الـراي
جيتك وانا مدري وش اللي بغيتـه
جيتك وقلبي دقته تسبـق خطـاي
جيتـك اقـول مفارقـك ماقويتـه
ان مر يومٍ بالعمـر منـت ويـاي
اشتاق لك شـوق المسافـر لبيتـه
مثل الهوا تحتاجه النـاس والمـاي
يحتاج لك قلـبٍ هـواك وهويتـه
دامك معي ماقصرت يـوم دنيـاي
دامي خذيتـك وش بقـا ماخذيتـه
وانكان تنشدني بعد ليه انـا جـاي
ابشـر بـردٍ يقنـعـك لاقريـتـه
جيت اعترف بالفرق يا اخر منـاي
بينك وبين اللـي عشانـك جفيتـه
اني ليامن جيت لك ( همك رضاي )
واني ليامن جيت لـه ( مالقيتـه )
لاتلومني لاجيت كلي مـن اقصـاي
مافيـه غيـرك لاتضايقـت جيتـه
الأربعاء أبريل 09, 2008 2:00 pm
